အာမခံအကျိုးခံစားခွင့်မရရှိနိုင်သော အခြေအနေများ

• ပြစ်မှုကျူးလွန်ခြင်း သို့မဟုတ် ပြစ်မှုကျုးလွန်ရန်ကြိုးပမ်းမှုကြောင့် ဖြစ်ပေါ်လာသော သေဆုံးခြင်း၊ ထာဝစဉ်လုံးဝ မသန်စွမ်းဖြစ်ခြင်း၊ ကိုယ်လက်အဂႅါထိခိုက်ခြင်း
• စစ်ဖြစ်ခြင်း၊ စစ်လက်နက်ကိုင်ဆောင်ခြင်း၊ စစ်ဖြစ်ရာတွင် တစ်နည်းနည်းဖြင့် ပါဝင်ပတ်သက်ခြင်းတို့ကြောင့် ဖြစ်ပေါ်လာသော သေဆုံးခြင်း၊ ထာဝစဉ်လုံးဝမသန်စွမ်းဖြစ်ခြင်း၊ ကိုယ်လက်အဂႅါ ထိခိုက်ခြင်း
• စွန့်စွန့်စားစားပြုလုပ်ရသောအားကစားများတွင်ပါဝင်ခြင်းကြောင့် ဖြစ်ပေါ်လာသော သေဆုံးခြင်း၊ ထာဝစဉ်လုံးဝ မသန်စွမ်းဖြစ်ခြင်း၊ ကိုယ်လက်အဂႅါထိခိုက်ခြင်း
• အသက်အာမခံထားရှိသူက အမှန်တကယ်ပါဝင်သည်ဖြစ်စေ၊ မပါဝင်သည်ဖြစ်စေ၊ အဓိကရုဏ်းများ၊ သောင်းကျန်း မှုများ၊ လူထုလှုပ်ရှားမှုများ၊ သပိတ်များ၊ ဓားပြများ၏ တိုက်ခိုက်မှုများ သို့မဟုတ် အကြမ်းဖက် လှုပ်ရှားမှုများနှင့် ပတ်သက်၍ ဖြစ်ပေါ်လာသော သေဆုံးခြင်း၊ ထာဝစဉ်လုံးဝမသန်စွမ်းဖြစ်ခြင်း၊ ကိုယ်လက်အဂႅါ ထိခိုက်ခြင်း
• စိတ်မှန်နေစဥ်ဖြစ်စေ၊ စိတ်ပေါ့သွပ်နေစဥ်ဖြစ်စေ ပေါ်လစီထုတ်ပေးသည့်ရက် (သို့) ပေါ်လစီပြန်လည်အသက်သွင်းသည့်ရက်မှ ၂ နှစ်အတွင်း မိမိကိုယ်ကို  ထိခိုက်အောင်လုပ်ခြင်းကြောင့်ဖြစ်ပေါ်လာသော ဒဏ်ရာများ၊ သေကြောင်းကြံစည်ရန် ကြိုးပမ်းမှု သို့ သေကြောင်းကြံစည်မှုတို့ကြောင့် သေဆုံးခြင်း။
• စိတ်မှန်နေစဥ်ဖြစ်စေ၊ စိတ်ပေါ့သွပ်နေစဥ်ဖြစ်စေ  မိမိကိုယ်ကို  ထိခိုက်အောင်လုပ်ခြင်းကြောင့်ဖြစ်ပေါ်လာသော ဒဏ်ရာများ၊ သေကြောင်းကြံစည်ရန် ကြိုးပမ်းမှု သို့ သေကြောင်းကြံစည်မှုတို့ကြောင့် ထာဝစဥ်လုံးဝမသန်စွမ်းဖြစ်ခြင်း၊ မတော်တဆသေဆုံးခြင်းနှင့် ကိုယ်လက်အင်္ဂါထိခိုက်ခြင်း။
• အာမခံဝယ်ယူစဉ်ကဖော်ပြရန်ထိန်ချန်ခဲ့သောရှိရင်းစွဲရောဂါကြောင့် ပေါ်လစီထုတ်ပေးသည့်ရက် (သို့) ပေါ်လစီပြန်လည်အသက်သွင်းသည့်ရက်မှ ၂ နှစ်အတွင်း သေဆုံးခြင်းနှင့် ထာဝစဥ်လုံးဝမသန်စွမ်းဖြစ်ခြင်း။
• ပေါ်လစီထုတ်ပေးခဲ့စဉ်က ကမ်းလှမ်းမှုအသစ်ထုတ်ပေး၍ ချန်လှပ်ခဲ့သော အခြေအနေများကြောင့် ဖြစ်ပေါ်လာသော အကျိုးခံစားခွင့်များ
• ခုခံအားကျဆင်းမှုကူးစက်ရောဂါ (AIDS) သို့မဟုတ် ခုခံအားကျဆင်းမှုဗိုင်းရပ်စ် (HIV) ကူးစက်မှုမှ ဖြစ်ပေါ်ရရှိ လာသော ရောဂါများ။

အာမခံလျော်ကြေး တောင်းခံနိုင်သည့် လုပ်ငန်းစဉ်

• အဆင့် (၁) - အသိပေး အကြောင်းကြားခြင်း
  • အာမခံကုမ္ပဏီ ဝန်ဆောင်မှုဌာန ဖုန်းနံပါတ် 09-765 467 100 သို့ ဆက်သွယ်အကြောင်းကြားပါ။
• အဆင့် (၂) - လိုအပ်သော လျှောက်လွှာပုံစံများ ဖြည့်သွင်းခြင်း
  • အာမခံလျော်ကြေး တောင်းခံရန် လိုအပ်သော စာရွက်စာတမ်းများကို ဖြည့်သွင်းရမည် ဖြစ်ပါသည်။ လျှောက်လွှာပုံစံ ဖြည့်သွင်းရာတွင် လည်းကောင်း၊ လိုအပ်သော တရားဝင် အထောက်အထား စာရွက်စာတမ်းများနှင့် ပတ်သက်၍ လည်းကောင်း အာမခံကုမ္ပဏီ မှ ကူညီလမ်းညွှန်ပေးသွားမည် ဖြစ်ပါသည်။
• အဆင့် (၃) - စာရွက်စာတမ်းများ တင်သွင်းခြင်း
  • ဖြည့်သွင်းပြီးသော စာရွက်စာတမ်းများနှင့် လိုအပ်သော တရားဝင် အထောက်အထား စာရွက်စာတမ်းများကို Manulife ရုံးချုပ်သို့ လူကိုယ်တိုင် တင်သွင်းနိုင်သကဲ့သို့
  • claimssubmission@manulife.comသို့ အီးမေးလ်ဖြင့်လည်း ပေးပို့တင်သွင်းနိုင်ပါသည်။
  • လိုအပ်သော အချက်အလက်များနှင့် စာရွက်စာတမ်းများ ပြည့်စုံစွာ လက်ခံရရှိပါက အလုပ်လုပ်ရက် (၅) ရက်အတွင်း အာမခံလျော်ကြေးအား စီစစ်ဆောင်ရွက်၍ ပေးအပ်သွားမည် ဖြစ်ပါသည်။

အာမခံလျော်ကြေးတောင်းခံခြင်း

• အာမခံအကာအကွယ်ပေးထားသောအဖြစ်အပျက်တစ်ခုဖြစ်ပွားသည့် ရက်စွဲမှ ရက် ၃၀ အတွင်း စာဖြင့်ရေးသားထားသော အကြောင်းကြားစာကို ကျွန်ုပ်တို့အား ပေးပို့ရမည်။
• ကျွန်ုပ်တို့သည် အကြောင်းကြားစာကို လက်ခံရရှိပြီးနောက် (၁၅) ရက်အတွင်း အာမခံအကာအကွယ်ပေးထားသော အဖြစ်အပျက်တစ်ခု ဖြစ်ပွားခဲ့ကြောင်းအထောက်အထားများကို ဖြည့်စွက်ရန်အတွက် လိုအပ်သောပုံစံများကို ထုတ်ပေးပါမည်။ အာမခံအကာအကွယ်ပေးထားသော အဖြစ်အပျက်တစ်ခု ဖြစ်ပွားခဲ့ကြောင်း စာဖြင့်ရေးသားထားသော အကြောင်းကြားစာ နှင့် ဖြစ်ပွားခဲ့ကြောင်း သက်သေအထောက်အထားကို ထိုအဖြစ်အပျက်ဖြစ်ပွားသည့်နေ့မှ ရက်ပေါင်းကိုးဆယ် (၉၀) အတွင်း ကျွန်ုပ်တို့ထံသို့ ကျွန်ုပ်တို့ လက်ခံနိုင်သည့်ပုံစံနှင့် သဘောသဘာဝနှင့်အညီ ပေးရမည်။
• ကျွန်ုပ်တို့သည် အာမခံထားသောအဖြစ်အပျက်ဖြစ်ပွားခဲ့ကြောင်း အတည်ပြုရန်အတွက် အသက်အာမခံထားရှိသူကို ဆေးစစ်စေရန် သို့မဟုတ် အခြားသင့်လျော်သောစစ်ဆေးမှုများပြုလုပ်စေရန် ညွှန်ကြားခွင့်ရှိသည်။ ဥပဒေအရ တားမြစ်ထားခြင်းမရှိပါက ကျွန်ုပ်တို့သည် သူသေခွဲစိတ်စစ်ဆေးခြင်း (Autopsy) ကို တောင်းဆိုပိုင်ခွင့်ရှိသည်။

လိုအပ်သောစာရွက်စာတမ်းများ

ကျွန်ုပ်တို့အား အောက်ဖော်ပြပါစာရွက်စာတမ်းများကို ပေးပို့ရမည်ဖြစ်သည်။

• ပေါ်လစီ။
• အာမခံလျော်ကြေးတောင်းခံသည့် လူပုဂ္ဂိုလ်၏ ပိုင်ဆိုင်ခွင့် သို့မဟုတ် ခံစားပိုင်ခွင့်ဆိုင်ရာ သက်သေ အထောက်အထား။
• အသက်အာမခံထားရှိသူ သို့မဟုတ် အသက်အာမခံထားရှိသူမှ ခွင့်ပြုထားသော အာမခံလျော်ကြေး တောင်းခံသည့် လူပုဂ္ဂိုလ်အတွက် ကျွန်ုပ်တို့လိုအပ်သည့် သက်သေခံစာရွက်စာတမ်းများ သို့မဟုတ် အခြားသောသက်ဆိုင်ရာ စာရွက်စာတမ်းများ။
• ပြည့်စုံစွာဖြည့်စွက်ထားသော အာမခံလျော်ကြေးတောင်းခံခြင်းပုံစံ နှင့် ဆေးဖက်ဆိုင်ရာအစီရင်ခံစာ။
• ဤပေါ်လစီအရ  အာမခံလျော်ကြေးတောင်းခံရန် ပေါ်ပေါက်လာသည့် အကြောင်းကိစ္စဆိုင်ရာ သက်သေ အထောက်အထား။
• အာမခံလျော်ကြေးတောင်းခံမှုကို ကျွန်ုပ်တို့ဆက်လက်ဆောင်ရွက်နိုင်ရန် ကျွန်ုပ်insurance company တို့တောင်းဆိုနိုင်သော အခြား စာရွက်စာတမ်း။
• အသေးစိတ်လျှောက်ထားပုံနှင့် လိုအပ်သောလျှောက်လွှာပုံစံများကို အာမခံကုမ္ပဏီ၏ Website: https://www.manulife.com.mm/mm/services တွင် ဝင်ရောက်လေ့လာနိုင်ပါသည်။